呈沉剪,呈沉包,呈沉糯米叉烧包,老鼠唔食香口胶,要食豆沙包。
 
 
咚啄，紫姜、大笨象，揸支枪， 去打仗，打完仗， 返嚟食碗辣椒酱, 隔篱屋企烧炮仗， 问你响唔响，唔响奖你两巴掌。

凼凼转，菊花圆，炒米饼，糯米团。亚妈叫我睇龙船，我唔睇，睇鸡仔，鸡仔大，拎去卖。卖得几多钱？卖得三两钱，得来买膏又买盐。（卖得三百六十五个仙。）

点虫虫，虫虫飞，飞到荔枝基，荔枝熟，摘满屋，屋满红，陪住个细蚊公。

点虫虫，虫虫飞，飞到荔枝基。荔枝熟，无定仆，仆入阿仔个鼻哥窿。 

月光光，照地塘；年卅晚，摘槟榔；槟榔香，摘子姜；子姜辣，买萝卜；萝卜苦，买猪肚； 猪肚肥，买牛皮；牛皮薄，买菱角；菱角尖，买马鞭；马鞭长，起屋樑；屋樑高， 买张刀；刀切菜，买箩蓋；箩蓋圆，买只船；船沉底，浸死两个番鬼仔。（一个蒲頭，一个沉底。)

落雨大，水浸街。阿哥担柴上街卖，阿嫂出街着花鞋。花鞋花袜花腰带，珍珠蝴蝶两边排。

落雨大，去睇灯，唔见花鞋同手巾，边个执到畀番我，买盒靓茶谢你恩。果条手巾唔打紧，个对花鞋值万银。鞋頭种得三杆竹，鞋尾种得一箩柑，中间起得一层楼，大个可以玩结婚。